Ek JhoNkaa tha keh KhuShbu kay safar par niklaa.

maiN to maQtal meN bhi Qismat ka sikaNdar niklaa
Qurra-e faal meray naam kaa aksar niklaa

thaa jinheN zu'um voh daryaa bhi mujhi meN Doobay
maiN keh SeHraa nazar Aataa tha Samandar niklaa

maiN nay us jaan-e bahaaraaN ko bahut yaad kiaa
jab koiee phool meri shaakh-e hunar par niklaa

Shehr waalooN ki muHabbat kaa maiN Qaa'il hooN magar
maiN nay jis haath ko chooma vohi khaNjar niklaa

tu yahiiN haar gayaa thaa meray buzdil dushman
mujh say tanhaa kay muQaabil teraa lashkar niklaa

maiN keh SeHraa'ay muHabbat kaa musaafir thaa FARAAZ
aik jhauNkaa thaa keh Khushbu kay safar par niklaa