نثار ميں تيري گليوں پے، اے وطن، کہ جهاں

نثار ميں تيري گليوں پے، اے وطن، کہ جهاں
چلي هے رسم کہ کوئي نہ سر اٹھا کے چلے
جو کوئي چاهنے والا طواف کو نکلے
نظر چُرا کے چلے، جسم و جاں بچا کے چلے

ہے اهل ِ دل کے ليے اب يہ نظم ِ بست و کشاد
کہ سنگ و خشت مقيد هيں اور سگ آزاد

بهت هيں ظلم کے دست ِ بهانه جو کے ليے
جو چند اهل ِ جنوں تيرے نام ليوا هيں
بنےهيں اهل ِ هوس مدعي بھي، منصف بھي
کسے وکيل کريں، کس سے منصفي چاهيں

مگر گزارنے والوں کے دن گزرتے هيں
تيرے فراق ميں يوں صبح و شام کرتے هيں

بُجها جو روزن ِ زنداں تو دل يہ سمجھا هے
کہ تيري مانگ ستاروں سے بھر گئي هو گي
چمک اٹھے ہيں ِسلاسل تو هم نے جانا هے
کہ اب سحر تيرے رخ پر بکھر گئي هو گي

غرض تصور ِ شام و سحر ميں جيتے ہيں
گرفت ِ سايہ ِ ديوار و در ميں جيتے ہيں

يونهي هميشه الجھتي رهي هے ظلم سے خلق
نہ ان کي رسم نئي هے، نہ اپني ريت نئي
يونهي هميشه کھلائے هيں هم نے آگ ميں پھول
نہ ان کي هار نئي هے، نہ اپني جيت نئي

اسي سبب سے فلک کا گلہ نهيں کرتے
تيرے فراق ميں هم دل برا نهيں کرتے

گر آج تجھ سے جدا هيں تو کل بهم هوں گے
يہ رات بھر کي جدائي تو کوئي بات نهيں
گر آج اوج پہ هيں طالع ِ رقيب تو کيا؟
يہ چار دن کي خدائي تو کوئي بات نهيں

جو تجھ سے عهد ِ وفا استوار رکھتے هيں
علاج ِ گردش ِ ليل و نهار رکھتے هيں

فيض احمد فيض، ۱۹۵۳، دستِ صبا

via Chapati Mystery